منتديات كنا حبايب
تفيد هذه آلرساله آن غير منتسب لهذآ آلمنتدى آضغط على زر آلتسجيل لتنضم آلينا لتتخلص من هذه الصفحة

منتديات كنا حبايب

~ { تسعدنآ زيآرتكم و تسجيلكم وآنضمامكم لآسرتنا يسعدنآ آكثر فآكثر ,,
 
الرئيسيةالبوابةالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» 3 ستايلات للمنتدى باللون الازرق تنقاوتي...
الإثنين سبتمبر 17, 2012 7:53 pm من طرف كنا حبايب

» حلقة باب الحارة 5 جديدة حلقات باب الحارة 5 رابط مباشر حلقات باب الحارة رابط واحد
السبت سبتمبر 15, 2012 2:19 pm من طرف •° alasbani mazik;•°

» حمل فلم اسف على الازعاج تحميل فلم اسف على الازعاج فلم احمد حلمي الجديد تحميل من اكثر من سيرفر 2010
السبت سبتمبر 15, 2012 2:14 pm من طرف •° alasbani mazik;•°

» تحميل فلم اللمبي 8 جيجا 2010 فلم اللمبي الجديد 2010 تحميل افلام جديدة 2010 فلم محمد سعد اللمبي 8 جيجا 2010
السبت سبتمبر 15, 2012 2:14 pm من طرف •° alasbani mazik;•°

» تحميل فلم spider man 4 مترجم
السبت سبتمبر 15, 2012 2:13 pm من طرف •° alasbani mazik;•°

» تحميل فلم توم وجيري الاسطوري تحميل فلم جديد لتوم وجيري توم وجيري الفلم
السبت سبتمبر 15, 2012 2:12 pm من طرف •° alasbani mazik;•°

» John Carter 2012 - حصريا فيلم الأكشن والمغامره والفانتازيا
السبت سبتمبر 15, 2012 2:04 pm من طرف •° alasbani mazik;•°

» فلم Expendables 2 مترجم للتحميل
الخميس سبتمبر 13, 2012 3:06 pm من طرف كنا حبايب

» مقارنة بين أيفون 5 الجديد وأيفون 4أس و أيفون 4
الخميس سبتمبر 13, 2012 2:38 pm من طرف كنا حبايب

» صور هيفاء وهبي الجزء الثاني يعرض لأول مرة
الأحد يوليو 08, 2012 10:48 pm من طرف كنا حبايب

» صور هيفاء وهبي جديدة جدا
الأحد يوليو 08, 2012 10:47 pm من طرف كنا حبايب

» صور ميلا أبنة نانسي عجرك جديدة جدا حفلة عيد ميلاد ميلا صور ميلا
الأحد يوليو 08, 2012 10:45 pm من طرف كنا حبايب

» صور نانسي عجرم جديدة جدا
الأحد يوليو 08, 2012 10:44 pm من طرف كنا حبايب

» صور مريام فارس جديدة جدا
الأحد يوليو 08, 2012 10:42 pm من طرف كنا حبايب

» صور بنات جميلات 2012
الأحد يوليو 08, 2012 10:36 pm من طرف كنا حبايب


شاطر | 
 

 رواية (من ملامح دمعتي تتضح قصتي )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اعقل مصرقعه !
حبيب جديد
حبيب جديد
avatar

العمر : 27
الإقامة : ؟؟؟!
تاريخ التسجيل : 02/05/2008

مُساهمةموضوع: رواية (من ملامح دمعتي تتضح قصتي )   الأربعاء يوليو 30, 2008 10:29 pm

بسم الله الرحمن الرحيم


من ملامح دمعتي تتضح قصتي


الشخصيات
بيت عبد العزيز :اكبر شخص بالعيله توفى هو وزوجته قبل سنتين

بيت عبد الرحمن ابو متعب :عنده ولدين وبنتين متعب 30 سنه ويزيد 26سنه ورهام 17وندى16


بيت سالم ابو وليد :عنده ولد وثلاث بنات وليد 25سنه ورزان 7 وروان 15


بيت عبدالله ابو سعود عنده ثلاث اولاد وبنت وحده سعود 27ومحمد 25وعمر وفجر توام عمرهم 18 سنه


بيت سلمان ابو زياد عنده بنتين وولد زياد 25سنه وئام وسهام

حامد ابو مشعل عنده ولد بنتين حنان18 سنه وليان 17 سنه ومشعل 24 سنه

بيت فهد ابو فيصل عنده ولدين وبنتين فيصل 23سنه وهنادي 21وسلطان 18 وريما 6سنين



منيره ام احمد عندها بنت و ولد العنود 22 واحمد 13


شيخه ام فواز عندها بنت وولد هيام 15سنه وفواز 12


حمد عمره 27 دكتور ما بعد تزوج

نايف عمره 24هو ومحمد ومشعل اغبى اذكياء في العيله راعين استهبال وسوالف سنعه

عبير 22سنه بنت عليها غباء لا صار ولا اسوى

رنيم 21 سنه هي بمثابة اخت لفجر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياربي متى راح تخلصين تراك لفيتي المجمعات كلها
........ياخي ممكن تكرمنا سكاتك
عمر مطلع فجر للسوق علشان تقضي اغراضها للعيد اللي باقي عليه يومين
عمر :ياشين ذا البنات ماغير يتسوقون وما يخلصون ولا يهدا لهم بال الا اذا كان بكره العيد
فجر:وانت وش عليك اساسا انتوا ماغير ثوب وماحقاته وتنتهي مهمتكم
عمر:زين خلصيلنا بلا فلسفتك الزايده
كملت فجر اللي تبغاه وطلعت ولما وصلت للبيت جهزت اغراضها واي البدل راح تلبس وكانت وراهم طلعه للبر ثاني يوم عيد

ليلة العيد كان الكل متحمس ومتونس حده حتى الخدامات ماعلينا فجر حبت ترسل رساله للمقربين منها


ارسلت فجر رساله لهنادي وعبير وكل من يعز عليهاواخوانها اولا
(كنوز الأرض تفديكم
وعطر العود نهديكم
بوسط القلب مسكنكم
وبعيد الحج أهنيكم)


اول من رد عليها عمر بالرساله
شفت الخروف وشلون يصير فيه
يوم يجهزو ليضحوا فيه
هذا حالي
يوم يقرب العيد
وإنت لسه بعيد

ارسلت له اولا هذا قدرك (خروف )ثانيا وشلون انت بعيد وما بيني وبينك الا غرفه

ارسل لها
وجع والله محد يرسل لك شي زين مالت عليك
ردت عليه فجر
والله مو بقصدي
فرحة الأعياد بشوفك تكتمل
وأنت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسايل بيننا همزة وصل
وعيدك مبارك عسا الفرحه تجيك

عسى تعجبك ..





في عيد الأضحى الكل كان مجتمع في بيت أبو متعب
ام متعب: كل عام وانتوا بخير
الكل: وانتي بخير
عبير:بناااااات من راح تجي للبر بكره
فجر:انا اول من راح يوصل
رهام: واكيد انا مراح افوت الطلعه
ندى:وش اسوي دام رهام بتروح ليه انا اقعد لحالي انا في عداد الطالعين
عبير: اشوف بنات الكليه ما تكلموا
هنادي :والله انا بودي بس امي الله يهداها تبي تروح تشوف خواتها
عنود:حتى انابروح اشوف عمامي وعماتي
فجر:اشوف مو معترف فينا
عبير :بالعكس انتوا الداخلين وهم الطالعين
هنادي :عبير حنا ماقلنا ما راح نجي بس حنا سوف نتبعكم بعد يوم
عبير: ولو الطلعه ما تحلوا الا والكل مجتمع
وطبعا طال الحوار بين عبير وبنات اخوها


عند الشباب
......وش تقول
فيصل قلت انا ماني بجاي من اول يوم
محمد: وليه ان شاء الله
فيصل عندي مشاوير مع اهلي
عمر اهم شي ان سلطان بيجي والا انت ما هميتني
محمد: وانت يا مشعل قول بعد انك منت بجاي
مشعل: يعني في احتمال اني اغير راي وما اجيك
محمد: انت تبي ترفع ضغطي
مشعل : وماذا في ذلك
نايف : وأنا مو مالي عينك
محمد: ياخي اشوفك 24 ساعه وش ابي فيك
وكما طال النقاش مع عبير والبنات طال مع محمد واللي معه




يوم الطلعه
الكل كان مستعد وعبير ورنيم ورهام وندى كانوا بايتين عند فجر
فجر بنات يالله نايف يقول مشينا
عبير: يالله بس بنات متاكدين ان ما في شي ناقص
رهام ان شاء الله كل شي كامل
ندى اهم شي جبتوا مؤنة الطريق
فجر:يدخل قبلنا
بناااااااااات يالله ورانا طريق
لبا الجميع طلب نايف وركبوا السياره
وفي وسط الطريق البنات كانوا يغنون و طربانين على الاخر ونايف ما لقى طريقه يسكتهم فيها الا انه يحط على اذاعة القران
عبير: نايف ليه سويت كذا
نايف: الله يسلمك ولا وحده فيكم استحت على دمها وقالت حرام هذا عمي ولازم يكون مروق وهو يسوق
ندى: وش وش وش يعني انت عمنا حاشا وماشا انت نايف وبس
نايف وبحكم ان ندى كانت قاعده بجنبه طلع الخيزران وكفخها فيه الى ما برد حرته
ندى: لو تموت ماني بقايله الكلمه اللي تبيني اقولها
نايف على العموم تراي عمك غصبن عليك
وكملوا طريقهم للبر ولا يخلوا السفر من السوالف


محمد وسلطان وعمر كانوا شاقلين(شايلين ) الخيام معهم
محمد معصب حده طول الطريق وسلطان وعمر حبوا ينفزونه
عمر:سلطان إن شاء الله إذا وصلنا بشلح سيارة متعب واهرب فيها وممنوع اصطحاب محمد
سلطان إيه وش وراه خله يعاني من الوحدة
محمد: هين والله لاوريكم يالشيون
عمر وسلطان كل ما يتكلم معهم محمد يطنشونه وهو يولع زيادة



وصلت دفعات للبر دفعت نايف والبنات ودفعت وأبو وليد وأبو زياد
وقدوا الشباب ينصبون الخيام
وصل محمد واللي معه وقعدوا يساعدونهم
انصبت خيمة المطبخ اول بعدها خيمه كبيره اختلفت الاراء حولها
ابو زياد : الحين وش تبون خلصونا يا تاخذون الخيمة الكبيره واحنا ناخد الخيمتين
والا العكس
عبير تشهق : يعني اذا اخذنا الكبيره انتوا تاخذون الخيمه حقتي والشباب يجلسون فيها
ابو زياد :وانا وش قاعد اقول من الصبح
عبير:لااااااااااااااااا انا احتج الخيمه هذي اللي تقولون عنها تدخل فيها الحشرات
فجر: ياعمي الخيمه هذي حقت بنات يجلسون فيها النواعم مو شبابكم
ابو زياد: يعني خلاص اتفقتوا
عبير: ايه اتفقنا
البنات كانوا موافقين على راي عبير بس الأمهات مشوا حالهم

خلصوا الشباب خيمتين والباقي قعدوا ينصبونه بينما البنات راحوا يتفرجون على الخيمه الكبيره
ندى :وان شاء الله هذي حق الشباب
فجر:ايه زي ماقلتي هذي حق الشباب الطيبه مالت عليهم وعلى خيمتهم
والأخوات العزيزات ما دخلوا داخل الخيمه كانوا يتفرجون عليها على عتبة باب الخيمه
ولا انتبهوا ان في واحد قاعد داخل الخيمه لأنه كان جالس على الطرف








بعد ما انتبهوا ان في واحد من الشبيبه جالس في الخيمه وحسوا على دمهم

ندى :اوواوواووه في واحد من الفئه اللي تكلمنا عنها
فجر :الله يستر
........ يعني كلها خيمه ومناشبينا فيها وحاسدينا عليها

ندى :من المفترض انك تكون تنصب خيام معهم عسى موب على راسك ريشه

عطاها الولد احلى طنش وما رد عليها

كان زياد هو اللي جالس بالخيمه و عنده برود اعصاب لا صار ولا استوى

عبير :وبعدين معك لو سمحت قم ساعد الشباب وبصفتك شنو انت قاعد هنيا والباقي يكرفون
زياد :وانتي بصفتك ايش تامريني اتحرك من مكاني ومو بس كذا واشتغل بعد
عبير : زياد احترم نفسك تراي عمتك
زياد : امحق عمه ترا الفرق بيني وبينك كبير
عبير : يعني انت مفكر ان الخمس سنين تكفي وتعفيك من مناداتي بعمه
زياد: اقول ضفي وجهك انتي واللي معك بروح اكمل شغل
رهام لو سمحت حنا وجهنا ما تنضف
زياد : طيب لا تضفين وجهك انقلعي
ندى : زين ماني متحركه من مكاني
تربعت ندى والبنات اللي معها عند باب الخيمه
رهام: ان فيك خير عد من هنا
زياد : طيب وش رايك ان انا ما فيني خير
وطلع زياد من الخيمه بس علشان يقهرهم
رفعت فجر صوتها بحيث يسمعها زياد
فجر :هذا البر والايام بيننا
زياد ورفع صوته اكثر :اعلى ما في خيلك اركبيه

رجع زياد قبل ما يكمل طريقه
زياد :وبعدين بدل ما تتشيطرون علي روحوا اكرفوا بالمطبخ بعد مانخلص من نصب خيامكم بنصير جوعانين
والبنات ولا كأنهم يسمعونه وكملوا سوالفهم الى ان انصبت خيمتهم ودخلوا فيها

عبير كانت جايبه اللابتوب هي وفجر ورهام جايبه افلام

عبير: لالالالالا انا اقول خلوا الافلام الى ان يجون كل البنات
ويجي من ورا الخيمه واحد ويخبط الخيمه برجله ومن قوة الشوته تهتزت الخيمه

فجر : وجع فيك طيت ظهري مع الخيمه

....... والله مو مسؤليتي اذا انك جالسه هنا

فجر:ومتى تكون مسؤليتك اذا انكسر ظهري

....... لا عاد وش دعوه بس اذا كان في تشويه في ظهرك من لون ازرق اوبنفسجي اول اخضر تكمل مهمتي واكون هنا المسؤل
فجر:سليطين احترم نفسك
سلطان : المهم المطبخ يناديكم وعمامي يقولون ان جلسنا على السفره وما كانت مكتمله بتشوفون شي(ن) ما شفتوه

عبير :زين يالله انقلع وحنا لاحقينك

طلعوا البنات وجهزوا اغراض الغدا اللي جهز الا قريب المغرب

نايف :ونتوا متى بتخلصون تراي ميت جوع
زياد ما عليك منهم اساسا هم من دخلوا هنا ما سوو ولا شغله
فجر : اقول حنا بس نكرف في البيت وبعدين اتنوا وش وراكم اكرفوا هنا وعطونا شوي من الحريه
زياد : ان ما خربت عليكم حريتكم ما اكون انا زياد
فجر :انا اتحداك وانا بنت ابوي




ياترى وش زياد وش ناوي يسوي
وهل البنات بينتقمون منه
ومين راح يغلب مين في التحدي



وصلت كل الدفعاااات للبر بين المغرب والعشاء الا دفعة هنادي و اهلها والعنود واهلها

..........وكنت تقول انك ماراح تجي
.........والله والصراحه حسيت بتأنيب الضمير وقلت حرام هذا صديقي من زمان حرام اخليه لحاله
محمد يعني حسيت على دمك وجيت
مشعل :نعم وندمت اني ما جيت من البدايه




عند البنات

:..........بسم الله متى دخلتي
..........توي داخله
.......وما شاء الله متى قررتي تجين
........ :ما قدرت اصبر على فراقكم
فجر : اقول حنان بلا كذب
حنان : الحقيقه المره ان اخوي طفش ويبي يجي يقعد مع شبابكم وشيابكم
عبير :ما علي منك انتي و اخوك ترا في بكره عندنا مباراه
حنان :وش مباراته
عبير :الله يسلمك بنلعب كلنا يالبنات كره طائره مع العمام الاعزاء
حنان :طيب وش بتحطون بدل الشبك
فجر الله يسلمك بنحط خيط او بمعنى اصح حبل
حنان :وذا الحبل وين بتحطونه
عبير ايزي بحطه بين خيمتين وانتهت السالفه
فجر: فاتك مو زياد متحدينا
حنان: وش متحديكم فيه
فجر مدري بس معنى كلامه تحدي
حنان : ونتوا وش كانت ردت فعلكم
ندى :فجر ما قصرت قالت هذا البر والايام بينا
ليان وهذا اللي قدرتوا عليه
عبير :وانتي وش تبينهم يسون
ليان :انا عندي فكره تطبق غدا ان شاء الله
فجر :وش بتسوين
ليان وش رايكم نسرق سيارته
رهام :وكيف تسرقينها
ليان عادي اذا كانوا يصلون وحده منا تدخل وتاخذ المفتاح
حنان:لا لا لا احس الخطه موهب ضابطه
ليان :خليها على الله




عند الشباب

.........والله ما اخليهم ينامون بالليل ولا بالنهار
....حرام عليك الا النوم مين راح يطبخ لنا بعدين
زياد :انا ماهمني الاكل ما عاش من تحداني
محمد :هد اعصابك شوي كلش وانك تخرعهم وبعدين كيف بتخرعهم
زياااد :عادي نهز خيامهم وندور حولها لين يتخرعون
يزيد: وهذا اللي ربي قدرك عليه كني سمعتك تتحداهم
زياد :ايه تحديتهم بس مافي بنات قد التحدي تعال انا شفت حرمه عجوز داخله معكم من هي


يزيد :هذي الله يسلمك خالت امي
زياد :واللي لاحظته بعد انها مو طايقه تتكلم مع البنات
يزيد :فتحت مخي على شغله لحظه انا رايح اكلمها
زياد :ليه
يزيد :اصبر وانت بتعرف

راح يزيد عند المره العجوز وهمس لها كم كلمه ورجع



زياد :انت وش قلت لها
يزيد انت قل لي من اكثر ثنتين حاقد عليهم
زياد :فجر وندى
يزيد :طيب شوف وش راح تسوي ذا العجيز فيهم


فعلا من كره ذا العجيز وحقدها على البنات نادتهم وقعدت تسولف معهم كلهم بدون استثناء

العجيز:ندى فجر تعالوا شوي عندي لكم هديه
ندى :وش هي
العجيز :ديرم (روج العجايز منذ القدم )تصير مثل الخشبه البنيه اللينه


مدوا البنتين يديهم للعجيز وفجاه ما تسمعون الا صراخهم
ندى :وووععععععععععععع
فجر :حرام عليك ليه سويتي كذا
العجيز :والله عاد انا كيفي تصرفاتكم ما عجبتني وبغيتكم تصيرون مؤدبين
فجر :عاد الله يهداك ما لقيتي تادبينا الا بانك تحطين صرصور بايلدينا
عبير :بالله عليك كيف لقيتيه
العجيز :مهوب انا هذا يزيد الله يخليه لي
فجر: ويزيد وش عنده حنا ما سوينا له شي
العجيز :كني والله اعلم سمعته يقول ان في واحد من الشباب متضايق منكم
فجر :اكيد زياااااااااد والله لا اشرشحه هو ويزيد


عبير :وش بتسوين
فجر :بتشوفون
عبير نادت تركي وقالت له يسرق مفتاح زياد ويزيد
تركي :لا لا لا لا انتي تستهبلين ما اقدر عليهم اخاف يصلخوني بدل الذبيحه
فجر انت جيب المفاتيح وحنا مو معلمين احد
تركي :طيب وش بتسوون فيها
ليان :بنصور معها انت وش رايك
فجر :ما عليك منها بس بهددهم فيها
تركي :طيب متى تبين اجيبها
فجر :في الصباح الباكر
تركي :انا اقترح عليك تاخذينها من الحين
حنان :وما الفائده من الاقتراح
تركي :لان كأني سمعتهم انهم بعد ما يصحون للصلاه محد فيهم راح ينام
فجر :خلاص رح جبيهم

طلع تركي علشان يجيب المفاتيح وهو مو متطمن لكلام البنات

ندى الحين انتي من صجك والا تمزحين
فجر :انتي صدقتيني صبري لين يجي الصبح وشوفي وش بيصير
ندى متى يجي الصبح ونااااااااااااااسه



هل صحيح ان فجر ماهي مستخدمه السياره
وهل بينجح تركي بالمهمه
وش بتكون ردة فعل زياد ويزيد
تصادفوا زياد وفجر بطريقهم للمطبخ وكانت فجر متلثمه بالشال اللي حاطته

فجر كانت بخيمة المطبخ وزياد ما بعد يدخل
زياد :يا ولد ياولد
فجر:خير وش تبي
زياد :الخيمه مو خيمة ابوك
فجر :خلصنا وش عندك
دخل زياد للمطبخ
وقال :وش رايك بالديرم او بالاصح الصرصور
فجر :ياخي صرصور وش بيكون رايي فيه
زياد :بالله ما عجبك
فجر :عسى ما يكون الصرصور من مقام مرموق وانا ما ادري والا ولد وزير
زياد اهم شي صراخكم بس في وحده ردة فعلها كانت اقوى من الثانيه
فجر :ممكن تنطم
قبل ما يطلع زياد من الخيمه لف على فجر وقال لها انا ماني بمنطم بس بقول هالشي (للمعزه براسي يابنيه رصيد لو تطيح المعزه وش نبي بالحياه كانها بالمعاند ابشري بالعنيد وكانها بالتحدي ما اتحدا بنات )
فجر كملت شغلها ولا ردت عليه وهي مقهوره من داخلها عالكلام اللي قاله لها

جاء الصباح الباكر على قولتنا والبنات متحمسين حدهم على السواقه

دار الحوار بين عبير وفجر

......لا انا اللي باسوق
......تعوذي من ابليس انا اللي مفكره بالخطه
عبير :بس انا اكبر
فجر :بس انا اعرف اسوق
ندى :اقول لا تخلوني اخذ المفتاح واهرب بالسياره

طبعا ركبوا البنات وكل وحده خذت موقعها

طبعا فجر هي اللي بتسوق بالعربي مشت كلامها عالكل
واللي جلست جنبها وبدون نقاش عبير الباقي تفرقوا هنا وهناك

رهام: انتي متاكده انك تعرفين تسوقين
فجر :عادي الشغله مهيب صعبه
هيام : الزبده وش بتسوين
فجر:اولا ادخل المفتاح و اشغل السياره <<وكانت الاخت كل ما قالت جمله نفذتها
وبعدهااااااااا وما تسمعون الا صراخ صامت وتفحط فجر من هنا ومن هناك وحنان ما غير تتشهد وندى مستانسه حدها وعبير تتحسب على فجر ومنقهره لانها ما ساقت
وطبعا البنات كانوا متلثمات باشمغه

وئام :شوفي ان انقلبت فينا السياره انتي المسؤوله
فجر :انتوا ليه معقدين المسأله ترى الحياه حلوه
ليان :انا قلت ان حنا راح نركب السياره بس ما قلنا انك تسرعين بالطريقه هذي
فجر :مين اللي يسوق انا والا انتي
ليان :انتي بس لا اوصيك ترا امي تبيني
فجر :وان شاء الله ارجعك لاهلك سالمه غانمه


وكانت السالفه هذي في تمام الساعه الخامسه والنصف

بعد ما حاسوا البنات بالبر وحسو الشباب ان في شيء مو طبيعي
زياد :اسمع صوت سياره
محمد :يا ولد الحلال شكلك ما نمت عدل وتلاقيك متوهم
زياد :صدقني في صوت سياره

طلعوا الشباب محمد وزياد ويزيد ونايف وشافوا ذيك السياره اللي تروح يمين ويسار

وكانت السياره بعيده مو واضحه والنور ما كان واضح
وطبعا اللي كان مساعد البنات في خطف السياره ان سيارة زياد كانت ورا الخيام

زياد :شكل اللي يسوقون بنات
يزيد :أي والله شف كيف السياره تتمايل يمينا ويسارا
زياد :وش رايك نروح ندعمهم
محمد :اقول استح على وجهك تخيل لو ان خواتك مكانهم
زياد :ولا وحده فيهم تستجرأ ان تركب السياره من غير شوري
يزيد :يالله تعال نلحقهم
زياد :وبعدين انت ليه معقد الامور البنات في البر خواتنا يعني خلال
محمد :كيفك انت مسؤول عن تصرفاتك
دخل يزيد للخيمه على اساس انه يدور على مفتاحه والمسكين قعد يحوس هنا وهنا
قعدوا النايمين من الحوسه اللي سواها



اتمنى تعجبكم
اعقل مصرقعه ! ; توقيع العضو
الرجوع الى أعلى الصفحة اذهب الى الأسفل
كنا حبايب
مديــــــــــرة الموقع
مديــــــــــرة الموقع
avatar

الإقامة : في دنيآ الآنآ !
العمل : عطآليه بطآليه هع
تاريخ التسجيل : 30/04/2008

مُساهمةموضوع: رد: رواية (من ملامح دمعتي تتضح قصتي )   الإثنين أغسطس 04, 2008 7:30 pm

روووووووعة بليييييييييز كملي حياااااتي
كنا حبايب ; توقيع العضو
الرجوع الى أعلى الصفحة اذهب الى الأسفل
http://montada-rama.yoo7.com
كيااااان انســــــانهــ
حبيب جديد
حبيب جديد
avatar

العمر : 27
الإقامة : الجبيل الصناعيه
العمل : الدجهــ
تاريخ التسجيل : 05/04/2009

مُساهمةموضوع: رد: رواية (من ملامح دمعتي تتضح قصتي )   الإثنين أبريل 06, 2009 1:52 am

الصراحه القصه جناااان يسلمووو حووبي ولاتقطعينا من جديدك... 💋



طــــــبعيــ كذا عااااااجبنيـــ يعنـــي لاتعلــــق
: فاهمك :
كيااااان انســــــانهــ ; توقيع العضو
الرجوع الى أعلى الصفحة اذهب الى الأسفل
أرجوكـ اعفينيـ
حبيب جديد
حبيب جديد


تاريخ التسجيل : 11/05/2009

مُساهمةموضوع: رد: رواية (من ملامح دمعتي تتضح قصتي )   الإثنين مايو 11, 2009 10:45 pm

قصة روعه مرسيييييييييي ويعطيك العافية

مني احلى تحية لك

ولا تحرمينا من جديدك ... Cool
أرجوكـ اعفينيـ ; توقيع العضو
الرجوع الى أعلى الصفحة اذهب الى الأسفل
 

رواية (من ملامح دمعتي تتضح قصتي )

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كنا حبايب  :: ღ.¸¸.حكآية آبداع.¸¸.ღ :: ღ.¸¸.القصص والروايات.¸¸.ღ-